4 vdekje nga fruthi në Europë, OBSH: Në 3 muaj u infektuan mbi 56 mijë fëmijë

Infektimet me fruth kanë shënuar rritje në të gjithë Europën përgjatë 3 muajve të parë të vitit 2024, e për pasojë 4 fëmijë kanë humbur jetën.

Organizata botërore e Shëndetësisë bën me dije se ne 45 shtete janë regjistruar 56 634 raste me fruth. Shifër kjo tejet e lartë krahasuar me vitin 2023, ku përgjatë 12 muajve ishin 61 mijë infektime dhe 13 vdekje.

Sa i takon Shqipërisë, sipas të dhënave zyrtare të ISHP, përgjatë 3 muajve janë regjistruar 38 raste me fruth dhe asnjë fatalitet.

Ekspertët thonë së fruthi ka një efekt shkatërrues në shëndetin e fëmijëve, ku foshnjat janë më të rrezikuara nga komplikime të rënda. Më shumë se gjysma e atyre që u prekën nga fruthi në 2023 u shtruan në spital. Rreth 50% e të infektuarve janë fëmijë nën 5 vjeç.

Infektimet në rritje gjykohet se kanë ardhur si pasojë e mosvaksinimit.

Ndër fëmijët nën 5 vjeç që u prekën nga fruthi në vitin 2023, më shumë se tre të katërtat nuk kishin marrë asnjë dozë vaksinimi kundër fruthit. Rreth 99% e këtyre fëmijëve nuk kanë marrë dy doza të vaksinës që përmban fruthin, e cila ofron mbrojtjen e nevojshme.

OBSH ka dhënë alarmin se ndërsa rastet e fruthit vazhdojnë të rriten, lind nevoja për veprim urgjent e qeverive për të forcuar sistemet shëndetësore dhe rritur mbulesën vaksinale.

LEXONI GJITHASHTU:

• Gripi bie, fruthi raste të reja/ Për të 3 javë radhazi numri i të infektuarve ulet
• Fruthi| Shkon 26 numri i rasteve, rreth 80% e të infektuarve të pavaksinuar