5 mijë civilë, përfshirë 210 fëmijë, të vrarë në Mariupol, thotë kryebashkiaku

Kreu i bashkisë Mariupol ka deklaruar të mërkurën se mbi 5 mijë civilë, përfshirë 210 fëmijë janë vrarë që prej nisjes së pushtimit të Ukrainës nga Rusia, raporton ‘Associated Press’.

Kryebashkiaku i qytetit të rrethuar, Vadym Boichenko thotë se forcat ruse kanë bombarduar spitalet, përfshirë njërin ku 50 persona u dogjën për vdekje.

Boichenko shprehet se më shumë se 90% e infrastrukturës së qytetit është shkatërruar nga bombardimet.

Zyrtarë të britanikë të mbrojtjes thonë se 160 mijë persona gjenden ende në qytet, popullsia e të cilit para luftës ishte 430 mijë banorë.

Ushtria ruse ka rrethuar qytetin strategjik duke i ndërprerë furnizimin me ushqime, ujë dhe energjinë elektrike.

Marrja në kontroll e qytetit do t’i lejonte Rusisë të siguronte korridor tokësor për të kaluar në gadishullin e Krimës, që e ka aneksuar nga Ukraina në 2014.