Autoritetet lokale në Metz, një qytet në verilindje të Francës, njoftuan se rreth 50 persona u evakuuan sot për shkak të rrezikut të shembjes së një ndërtese banimi.

Në njoftimin e kryetarit të bashkisë së Metz, thuhet se qiramarrësit e ndërtesës që kërcënohej me shembje, si dhe banorët e disa ndërtesave përreth, u evakuuan, raporton BFMTV.

“Ekziston një kërcënim real dhe i menjëhershëm për shembje. Pra, mund të ketë një shembje të papritur të ndërtesës”, paralajmëroi kryebashkiaku i Metz, François Grodidier, në rrjetet sociale.

Ai tha se një kompani ndërtimi e kualifikuar duhet të mbështesë themelet dhe bodrumin e ndërtesës.

“Këto punime ndërtimi janë të rrezikshme dhe hyrja në vendin e ndërtimit do të ndalohet rreptësisht për publikun dhe banorët derisa të eliminohen rreziqet”, njoftoi kryebashkiaku i Metz.