PD inkurajon SPAK të hetojë tenderin 500 mijë USD të FSHZH

Partia Demokratike kërkoi sot nga SPAK hetimin për Fondin Shqiptar të Zhvillimit lidhur me tenderin e ‘menusë së 100 fshatrave’.

Deputetja Dhurata Çupi tha se shuma prej 500 mijë dollarësh për një menu gatimi është dëshmi e abuzimeve me paratë e shqiptarëve.

“Qeveria e Ramës shpenzon 500 milionë për menu restorantesh. Ne inkurajojmë SPAK të çojë para drejtësisë çdo abuzues të taksave të shqiptarëve, faturat e të cilëve kanë bërë që shqiptarët të jenë ndër popujt më të varfër në rajon. Shqipëria është e varfër se ajo vidhet çdo ditë nga politikanë të korruptuar”, u shpreh deputetja e PD në një komunikim për mediat.

Prokuroria e Posaçme ka nisur hetimet për një tender të zhvilluar nga Fondi Shqiptar i Zhvillimit me vlerë rreth 500 mijë dollarë, pas dyshimeve se është fituar nga djali i drejtorit të këtij institucioni, Dritan Agolli.

SPAK po heton për akuzën e shkeljes së barazisë në tenderë dhe korrupsion.

Tenderi me afat 36 muaj, është dhënë për krijimin e produktit autentik ushqimor shqiptar duke krijuar “Menunë e 100 Fshatrave”.

Fituesi “Mascarpone sh.p.k” do të ndihmojë që fshatrat që janë pjesë e projektit të ofrojnë një menu ushqimore duke u bazuar tek menutë tradicionaleve të këtyre zonave.

LEXONI GJITHASHTU:

• SPAK heton tenderin 500 mijë dollarë të Fondit Shqiptar të Zhvillimit
• Kush është Dritan Agolli, drejtori i akuzuar për skandale
• Paga luksi në Fondin Shqiptar të Zhvillimit, 5-fish mbi standardin