522 mijë euro dhe mallra të kontrabanduara, detaje nga operacioni në Durrës

Rreth 522 mijë euro të padeklaruara dhe mallra të kontrabanduara janë sekuestruar këtë të premte në Portin detar të Durrësit.

Në kuadër të operacionit policore të koduar “Eurot”, është ndaluar autobusi i linjës Padova – Lushnjë, me drejtues shtetasin Elidon Çela, 32 vjeç.

Ky i fundit, është arrestuar së bashku me dy ndihmësit e tij, D. K., 36 vjeç, banues në Tiranë dhe A. C., 32 vjeç, banues në Elbasan.

Gjatë kontrollit paraprak, shërbimet e Policisë kanë konstatuar mallra të ndryshme të dyshuara të kontrabanduara.

Autobusi është kthyer për kontroll të specializuar, nga Task Forca permanente që përbehet nga Policia Kriminale e DVP Durrës, Policia Kufitare e portit të Durrësit dhe autoritetet doganore të portit, pasi disponohej informacion nga Policia, se në brendësi të autobusit kishte të fshehura sasi të madha eurosh.

Si rezultat i kontrollit të imtësishëm, në pjesën e sipërme të autobusit janë gjetur të fshehura 6 qese plastmasi, brenda të cilave kishte disa pako, me rreth 522 000 euro, të cilat u sekuestruan në cilësinë e provës materiale së bashku me mallrat e dyshuara të kontrabanduara që u gjetën në brendësi të autobusit (kafe, cigare, pije alkoolike, ilaçe, kuti me mentesha, karroca për fëmijë, elektroshtëpiake dhe veshmbathje).

LEXONI GJITHASHTU

• Sekuestrimi i 500 mijë eurove, arrestohet pronari i agjencisë, drejtonte autobusin
• Të fshehura në 6 qese plastmasi, si u sekuestruan 500,000 eurot në Portin e Durrësit
• Sekuestrohen 500 mijë euro të padeklaruara në Portin e Durrësit