Taulant Balla: PS-ja ka fituar 9 mandate në Elbasan

Kandidati për deputet në Elbasan Taulant Balla gjatë një deklarate për mediat tha se PS-ja ka siguruar më shumë se 90 mijë vota në Elbasan, duke siguruar kështu mandatin e nëntë.

“Kemi arritur rezultatin më të lartë në 30 vite. Unë jam i sigurt se në kutitë e votimit PS ka përtej 90 mijë vota, që do na mundësojnë mandantin e nëntë,” tha Taulant Balla.

Taulant Balla tha se tani fillon një fazë tjetër ajo e numërimit të votave dhe se numëruesit e PS-së janë gati për këtë proces.

“Shoh një pjesë të djemve dhe vajzave që do jenë në numërim këtu dhe ky proces duhet të duhe të eci normalisht dhe të mos ketë probleme,” u shpreh kandidati për deputet në qarkun e Elbasanit.