7 korriku, Berisha: Besoj se partitë opozitare do i bashkohen protestës

Kryetari i Partisë Demokratike, Sali Berisha shprehet se protesta e 7 korrikut është një protestë vetëm për të mbrojtur interesat e qytetarëve.

Në një konferencë për mediat, Berisha u shpreh se të gjithë anëtarët e PD-së duhet të zbresin në terren për të mobilizuar qytetarët për protestën.

Ai nënvizoi se duhet një angazhim maksimal i degëve të partisë për protestën.

“Protestën e drejton tashmë Fronti për Shpëtimin e Shqipërisë. Kam shumë besim se partitë politike opozitare parlamentare dhe jo-parlamentare do i bashkohen protestës. Të gjithë anëtarët e PD-së, duhet të zbresin në çdo blloku, grup seksioni në të gjithë shtrirjen e PD-së për të bërë mobilizimin maksimal për këtë protestë. Kjo protestë mblidhet, thirret tani që vendi ka një opozitë të vërtetë. Kjo protestë ka mbrojtje vetëm të interesave të qytetarëve”, u shpreh Berisha.

LEXONI GJITHASHTU:

• Berisha: Bordet e ngritura nga qeveria, mekanizma për të rritur çmimet
• Do i lejojë protestuesit të futen në Kryeministri? Pergjigjet Berisha