7 Marsi| Mësuesja: Fëmijët me aftësi ndryshe mësojnë me vështirësi, kjo të emocionon

Mësuesja Manuela Beshello është shprehur se fëmijët me aftësi ndryshe i falin më shumë kënaqësi se fëmijët e zakonshëm, prandaj ka zgjedhur që të mësojë ata.

Komentet Beshello i bëri në një lidhje me emisionin “Good Morning Albanians” në Euronews, ku tha se kjo është edhe pjesa që asaj i jep më shumë emocion.

Ajo shtoi se sfida më e madhe janë emocionet e ndryshme që kanë ata përditë, gjë që sipas saj e bën më të bukur punën e saj.

“Kënaqësia që të falin këta fëmijë, nuk ta falin fëmijët e tjerë. Kjo ishte arsyeja që e zgjodha. Është dyfish kënaqësi. Fëmijët e tjerë e mësojnë shumë shpejt, ndërsa këta fëmijë mësojnë më me vështirësi.

Këtu është puna e mësuesit, këtu është puna jote sesa përqëndrohesh te këta fëmijë. Sfida më e madhe janë emocionet që kanë ata përditë. Ti hasesh me emocione nga më të ndryshmet.

Kam dëgjuar raste në shkolla të tjera që prindërit refuzojnë mospranimin e këtyre fëmijëve. Për fat të mirë në shkollën tonë nuk ka patur probleme të tilla, si nga fëmijët, si nga prindërit. Japin ndihmën e tyre, sado të vogël”, tha Beshello.

LEXONI GJITHASHTU:

• Basha uron 7 marsin krah nënës së tij mësuese: Ditë më të mira do vijnë!
• Sot mësuesit festojnë ‘7 Marsin’, cila është zanafilla dhe rëndësia e kësaj dite