7 të vrarë e qindra të plagosur nga bombardimi i një teatri në Ukrainë

Shtatë persona, përfshirë një vajzë gjashtëvjeçare, u vranë kur një raketë ruse goditi një teatër në qytetin verior të Ukrainës, Chernihiv, të shtunën në mëngjes, thanë zyrtarët.

Pesëmbëdhjetë fëmijë ishin midis 144 personave të plagosur, tha policia. Të paktën 25 persona ishin në spital.

Midis viktimave kishte njerëz që kishin festuar një festë të krishterë ortodokse në kishë.

Një shesh kryesor dhe një ndërtesë universiteti u dëmtuan gjithashtu në sulm.

OKB-ja e quajti sulmin “të neveritshme”, ndërsa presidenti ukrainas Volodymyr Zelensky u zotua për një përgjigje të prerë nga ushtarët ukrainas ndaj një “sulmi terrorist”.

Chernihiv ndodhet rreth 50 km në jug të kufirit të Ukrainës me Bjellorusinë. Qyteti u rrethua nga trupat ruse në muajt e parë të pushtimit në shkallë të plotë të Presidentit Vladimir Putin të nisur në shkurt 2022.

Teatri impozant i qytetit u godit drejtpërdrejt. Teatri po priste një mbledhje të prodhuesve të dronëve, tha kryebashkiaku në detyrë i Chernihiv për BBC.

“Unë e kuptoj që qëllimi i tyre ishte një ngjarje ushtarake që po ndodhte në ndërtesën e teatrit të dramës dhe se ishte objektivi i tyre”, tha Oleksandr Lomako.

LEXONI GJITHASHTU:

• SHBA miraton dërgimin e aeroplanëve F-16 në Ukrainë përmes Danimarkës dhe Holandës
• OKB: Gati 10.000 civilë janë vrarë në Ukrainë prej nisjes së luftës