English

7 vjet pas masakrave të Parisit, vëmendja ende e lartë në Francë

KOMENTE

SHPERNDAJE
ARTIKULLIN

Text sizeAa Aa

Rreth 7 vjet pas sulmeve të 13 nëntorit 2015 në Paris, lufta kundër terrorizmit vazhdon ende në Francë, vend ku sulmet xhihadiste kanë vrarë mbi 260 persona dhe plagosur 1.200 të tjerë që prej 2014-s.

- Advertisement -

Si kudo në Evropë, numri i sulmeve ra ndjeshëm vitin e kaluar, por niveli i sigurisë në Francë mbetet i lartë. Rreth 7 mijë ushtarë janë vendosur për të mbrojtur pikat kyçe të vendit.

“Jemi këtu për të mbrojtur popullsinë. Për këtë arsye patrullojmë, për të siguruar qytetarët dhe për të dekurajuar terrorizmin. Ne përshtatemi me të gjitha rrethanat. Një ushtar përshtatet me misionin e tij dhe bëhet më i mirë”, thotë Rodrigue, oficer terreni i Antiterrorizmit.

Një prioritet tjetër i Francës ka qenë forcimi i shërbimeve të inteligjencës. Në vitet e fundit, rreth 1 mijë poste të reja pune janë krijuar për të luftuar terrorizmin.

Ndërsa mposhtja territoriale e ISIS ka reduktuar kapacitetet e tij për të sulmuar nga jashtë, sfida tani është zbulimi i agresorve që veprojnë të vetmuar.

“Një individ që radikalizohet, që merr thikën dhe del në rrugë, është nën radar. Fatkeqësisht kjo është shumë e komplikuar, veç rasteve kur kemi indicje kundër tij. Prandaj kemi ngritur gjithë këto sisteme në Francë, për të zbuluar aktet e mundshme dhe ndryshimin e sjelljes. Për shembull, individët që nuk janë terroristë do ta ndryshojnë sjelljen e tyre. Papritur, ata nuk shtrëngojnë më duart me gratë, ndryshojnë veshjen dhe vetizolohen”, u shpreh Jean-Louis Bruguière, prokuror i Antiterrorizmit.

Për të identifikuar ato që ekspertët i quajnë “sinjale të dobëta”, Franca ka krijuar një shërbim sekret kundër radikalizimit në burgje.

“Ka dy lloje të burgosurish. Janë ata të dënuar për terrorizëm, që janë 450 deri në 500; dhe pastaj janë 700 të dënuar për krime të tjera që janë radikalizuar në burgje. Ne duhet t’i vendosim nën mbikëqyrje ata, për këtë arsye shërbimet sekrete kanë ndërhyrë. Por ne duhet të punojmë edhe për parandalimin”, theksoi Driss Aït Youssef, ekspert sigurie.

Autoritetet franceze deklarojnë se kanë shmangur 60 sulme që prej 2015-s. Ky është rezultat i punës së disa agjencive të sigurisë dhe ligjit të emergjencës të vendosur në vitet 2015-2017, një masë kjo e kritikuar për kufizim të lirisë.

LEXONI GJITHASHTU

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×