70 të dënuar në burgun e Rrogozhinës votojnë, pjesa tjetër preken nga ligji i dekriminalizimit

Gazetari i Euronews Albania, Eni Ferhati ishte në burgun e Rrogozhinës ku ndoqi procesin e votimit për të burgosurit.

Gazetari raportoi se janë rreth 70 të dënuar që do të ushtrojnë të drejtën e tyre për të votuar dhe si mjedis për të kryer këtë proces ishte përshtatur dhoma e takimit me familjarët. Mes të burgosurve dhe komisionerëve janë vendosur kangjella.

Pjesa tjetër e të burgosurve nuk do të mund ta ushtrojnë të drejtën e votës për shkak se preken nga ligji i dekriminalizimit.

Siç tregoi dhe gazetari i Euronews Albania, Ferhati në gjithë sistemin janë rreth 2600 të dënuar që do të mund të votojnë në këto zgjedhje dhe rreth 1600 të tjerë që nuk do të mund ta ushtrojnë këtë të drejtë për shkak të veprave të rënda penale që kanë kryer.

Euronews Albania pret informacione të mëtejshme nga Komisioni brenda burgut i cili pret vendime të Gjykatës duke qenë se ka të dënuar që nuk e kanë gjetur emrin në listë dhe është Gjykata e rrethit ajo që do të përgjigjet për këtë deri në gjashtë orë para mbylljes së votimeve.

LEXONI GJITHASHTU:

• Ambasadorja Kim në Shkodër: Votoni të lirë dhe larg çdo ndërhyrjeje, është dita juaj
• Presidenti Meta niset drejt Elbasanit
• Zëdhënësja e KQZ: Në100 qendra votimi probleme me identifikimin biometrik, procesi po vijon manualisht