Irani ekzekutoi të paktën 582 persona në vitin 2022, që është 75 për qind më shumë se një vit më parë, sipas grupeve të të drejtave të njeriut.
Ata vlerësojnë se rritja e numrit të dënimeve me vdekje pasqyron përpjekjet e Teheranit për të “rrënjosur frikë” në mesin e protestuesve kundër regjimit.
Ky ishte numri më i lartë i ekzekutimeve në Iran që nga viti 2015, sipas një raporti të publikuar të enjten nga Grupi i të Drejtave të Njeriut në Iran (IHR).
Shumica e dënimeve me vdekje, të paktën 544 prej tyre, u kryen ndaj personave të akuzuar për vrasje dhe krime të lidhura me drogën.
Dy grupe të të drejtave të njeriut thanë se duke rritur numrin e dënimeve me vdekje, Teherani po përpiqej të trembte pjesëmarrësit e demonstratave që shpërthyen në të gjithë vendin pas vdekjes së 22-vjeçares Mahsa Amini shtatorin e kaluar, e cila vdiq në paraburgimin e policisë.
LEXONI GJITHASHTU:
- Irani instalon kamera në vende publike për të identifikuar gratë pa shami
- Irani dënoi sulmet me raketa izraelite në Liban dhe Gaza
