Ndue Çupi, 27 vjeç dhe Leonard Ndoj, 53 vjeç janë arrestuar pasi u kapën me 8 kg kanabis në një makinë të llojit “Benz”.

Dy shtetasit, banues në Shënkoll, Lezhë, tentuan t’i arratiseshin policisë në momentin e ndalimit.

Makina, lënda narkotike dhe 2 celularë u sekuestruan.

Xhuljano Sorra, 29 vjeç dhe Ahmet Musaogullari, 26 vjeç u arrestuan gjithashtu pasi shitën pjesët e një automjeti të vjedhur.

Më 24 janar këta dy shtetas vodhën një makinë tip “Benz” në Laprakë. Ata e çmontuan dhe pjesët i nxorrën në shitje.

2 celularë, një pajisje DVR me pamje filmike dhe pjesë të ndryshme të automjetit të vjedhur u sekuestruan.

Materialet i kaluan Prokurorisë, për veprime të mëtejshme procedurale.

LEXONI GJITHASHTU:

• 12 të arrestuar për shembjen e ndërtesave në Turqi
• Tërmeti shembi rezidencën me 1000 banorë, arrestohet ndërtuesi turk