8 persona të vrarë dhe 8 të plagosur në një sulm të armatosur në Ekuador

Tetë persona u vranë dhe tetë të tjerë u plagosën në një sulm nga njerëz të armatosur ndaj një grupi njerëzish në qytetin bregdetar ekuadorian të Guayaquil, njoftoi sot Ministria e Brendshme.

Dëshmitarët thanë se burra të armatosur mbërritën në një automjet dhe hapën zjarr, raportoi AP.

Siç thuhet nga Ministria, dy persona kanë ndërruar jetë në vend, ndërsa gjashtë më pas kanë ndërruar jetë në qendrën shëndetësore për shkak të lëndimeve të rënda.

Deri më tani asnjë grup nuk ka marrë përgjegjësinë për sulmin.

Kjo është vrasja e dytë masive në Ekuador në ditët e fundit, pasi pesë persona u vranë nga anëtarë të armatosur të bandës në provincën bregdetare të Manabi të premten.

Ata rrëmbyen 11 persona, mes tyre pesë të mitur.

Policia shpëtoi gjashtë persona dhe të mitur dhe dy të dyshuar u arrestuan.

Policia tha se kishte indikacione se viktimat ishin turistë të bllokuar gabimisht në një mosmarrëveshje lokale për trafikun e drogës.

Ekuador dikur konsiderohej një bastion i paqes në Amerikën Latine, por vitet e fundit ka pasur një rritje të sulmeve të dhunshme.

LEXONI GJITHASHTU:

• Arrestohet në Ekuador kreu i bandës Los Lobos, gjenden armë, municione, eksplozivë
• Ekuador, gjenden të vrarë brenda një makine kryebashkiakja dhe këshilltari i saj