Arrestohet në Ekuador kreu i bandës Los Lobos, gjenden armë, municione, eksplozivë
Autoritetet ekuadoriane njoftuan sot se kanë arrestuar liderin e bandës së fuqishme Los Lobos, i njohur me pseudonimin Vicente, i cili akuzohet për përfshirje në vrasjen e kandidatit presidencial Fernando Villavicencio gushtin e kaluar.
Gjatë arrestimit të Vicente, dy kriminelë të tjerë u plagosën, 12 persona të tjerë u ndaluan dhe u sekuestruan 200 mijë dollarë, si dhe lloje të ndryshme të armëve dhe municioneve dhe eksplozivëve, sipas një deklarate të policisë, transmeton Reuters.
Muajin e kaluar, zyra e prokurorit të shtetit njoftoi se pesë të dyshuarit e akuzuar për përfshirje në vrasjen e kandidatit presidencial, i cili u vra në Kuito përpara zgjedhjeve, do të gjykohen.
Dy drejtuesit e Los Lobos të akuzuar për komplotimin e vrasjes së Villavicencio tashmë janë burgosur.
Villavicencio, një ish-gazetar dhe ligjvënës, u qëllua teksa po dilte nga një tubim i fushatës.
Autoritetet ekuadoriane zakonisht nuk i publikojnë emrat e plotë të atyre që ndiqen penalisht.
Los Lobos ka mijëra anëtarë dhe drejton operacione edhe brenda sistemit të burgjeve të Ekuadorit.
LEXONI GJITHASHTU:
Dhoma e Përfaqësuesve miraton masën për t’i dhënë fund luftës në Iran
Partia Demokratike në pushtet fiton zgjedhjet lokale në Korenë e Jugut
Kina ndalon hyrjen e katër deputetëve të Zelandës së Re pas vizitës në Tajvan
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut