Kurti: Jemi kundër mbajtjes së zgjedhjeve, por respektojmë vendimin çfarëdo qoftë ai

Kryeministri i Kosovës, njëherësh kryetari i Lëvizjes Vetëvendosje, Albin Kurti, ka deklaruar se si parti e mbështesin shtyrjen e zgjedhjeve lokale për shkak të situatës epidemiologjike të COVID-19.

“Duke e pasur parasysh që aktualisht kemi një përmirësim të situatës me pandeminë në mënyrë që ky përmirësim të mos ndalet, në mënyrë që të mos kemi një valë të re, për shkak se versioni Delta është eksploziv në muajt nëntor dhe dhjetor, ne jemi që zgjedhjet të shtyhen. Megjithatë ne nuk imponojmë qëndrimin tonë, le të merret cilido vendim ne do ta respektojmë”, tha ai.

Pas takimit me presidenten dhe partitë politike, Kurti tha se vendimi i shtyrjes së zgjedhjeve dëmton më shumë Lëvizjen Vetëvendosje.

“Për respektimin e vlerësimit profesional të Institutit Kombëtar të Shëndetësisë Publike, i nënshkruar nga 11 doktorë gjithsej, që është për shtyrjen e zgjedhjeve. Shtyrja e zgjedhjeve më së shumti i kushton pikërisht subjektit tonë”, tha Kurti.