Merkel e arriti objektivin për Ballkanin, plani i investimeve 30 mld euro nisi nga Berlini, thotë analisti

Drejtori i Institutit për Bashkëpunim dhe Zhvillim, Adrian Haçkaj tha në Euronews Albania se rëndësia që Angela Merkel i ka dhënë rajonit të Ballkanit është për t’u admiruar dhe vlerësuar.

Sipas tij, Merkel e ka arritur objektivin për Ballkanin sa i përket procesit të Berlinit me vizibilitetin që i ka dhënë iniciativave të reja në Ballkan.

“Nuk duhet të harrohet se plani i investimeve prej 30 mld eurosh i Bashkimit Evropian në Ballkanin Perëndimor ka marrë spunto nga Procesi i Berlinit. Samiti i Berlinit funksionon me kredi të institucione ndërkombëtare, ka pasur zero euron në dispozicion, por ka arritur ta vërë Ballkanin në një pozitë të privilegjuar për thithjen e investimeve”, tha ai.

Që rajoni të ecë përpara duhet që institucionet e vendeve të rajonit të adoptojnë dhe zbatojnë rregullat e qeverisjes së mirë, atëherë s’ka asgjë që e pengon zhvillimi e rajonit, tha z. Haçkaj.

“Evropës i janë dashur me dhjetëravjeçarë që të arrijë aty ku është, u shpreh ai.