Lajçak vizitë 3-ditore në Kosovë, takime me përfaqësues të politikës, biznesit dhe mediave

I dërguari special i BE-së për dialogun Kosovë-Serbi, Miroslav Lajçak mbërrin sot në Kosovë. Edhe pse agjenda ende nuk është publikuar, mësohet se Lajçak do të ulet në aeroportin e Prishtinës pasdite.

Gjithashtu, as ora e takimeve të tij me zyrtarët më të lartë kosovarë nuk tregohet, por burime për Euroneës Albania deklarojnë se sot do të ketë takim vetëm me kryeministrin Albin Kurti.

Të enjten, Lajçak do të ketë takime me kryetarin e Kuvendit të Kosovës, Glauk Konjufca si dhe me kryetarët e partive parlamentare, ndërsa pasnesër me drejtues nga organizatat e Shoqërisë Civile, përfaqësues të biznesit dhe mediave.