Rama: Gjuha angleze që në klasë të parë duke filluar nga ky vit shkollor

Kryeministri Edi Rama deklaroi sot nga foltorja e Kuvendit se dy shtyllat e mandatit të tretë të tij qeverisë janë pandemia dhe rindërtimi.

Rama u zotua se brenda vitit 2022 do zhbëhen të gjitha pasojat tërmetit dhe nga ana tjetër nëpërmjet vaksinimit masiv do të dilet nga lufta rraskapitëse për pandeminë.

Ai theksoi se që në fillim të këtij viti shkollor, gjuha e angleze do të futet që në klasat e para në të gjitha shkollat e vendit.

Gjithashtu, kreu i qeverisë theksoi se Reforma në Drejtësi është thelbësore, ku nënvizoi se “askush që ka llogari të hapur me ligjin nuk fle më i qetë.”

“Kokat e botës së krimit janë prapa hekurave ose brenda skutave, por vetëm e shtynë në kohë dhe nuk e ndalin dot ditën e llogarisë para gjykatës”, u shpreh Rama, teksa shtoi se kjo shumicë do të vazhdoje të punojë ngushtësisht me aleatët strategjikë, SHBA dhe BE duke mbështetur pas asnjë rezervë Reformën në Drejtësi.

Rama premtoi se do të mbyllë përfundimisht sportelet e shërbimeve për marrjen e dokumenteve për qytetarët dhe sipërmarrjet.

Sipas tij gjithçka do të transferohet në sistemin digjital, ku qytetarët mund të marrin shërbimet nëpërmjet smartphone-ve dhe kompjuterëve.

LEXONI GJITHASHTU:

• Rama i drejtohet PD-së: Jemi gati për çdo lëshim që ju doni