Kryeministri Rama: Hapja e negociatave s’është në dorën tonë

Kryeministri Edi Rama gjatë fjalës së Kuvend përmendi edhe çështjen e negociatave me BE-në, ku ripërsëriti se kjo gjë nuk varet nga qeveria, por nga politika e brendshme e shteteve anëtare në unionit.

“Se kur hapet konferenca dhe se kur mbyllet konferenca kjo nuk është në dorën tonë dhe nuk është çështja jonë. Por, balta që eksportohej nga këtu ulte Shqipërinë, e bënte të dukej si stan me lepuj”, u shpreh kreu i qeverisë.

Ai shtoi se e rëndësishme është që të përmbushen të gjitha pikat që Shqipëria të ketë një standard europian.

Kreu i qeverisë theksoi se “Ballkani i Hapur” nuk është një lojë e Serbisë, por është për të mirën e punëtorëve, studentëve, për tregjet e mallrave dhe për kulturën.

Ai nënvizoi se nuk i interson se çfarë përfiton Serbia nga “Ballkani i Hapur”, por vetëm Shqipëria dhe Kosova.

Rama bëri thirrje për bashkëpunim të ngushtë me Kosovën dhe sipas tij mosdakordësitë duhet të trajtohen me respekt.

LEXONI GJITHASHTU:

• Rama i drejtohet PD-së: Jemi gati për çdo lëshim që ju doni
• Rama: Gjuha angleze që në klasë të parë duke filluar nga ky vit shkollor
• Si kanë ndryshuar ministrat dhe ministritë në 3 qeveritë Rama