Ambasadorja amerikane takon anëtarët e KPA-së: Keni përgjegjësi të madhe

Ambasadorja e SHBA në Tiranë, Yuri Kim ka zhvilluar sot një takim me anëtar të Kolegjit të Posaçëm të Apelimit.

Yuri Kim shprehet se, anëtarët e KPA kanë përgjegjësinë më të madhe pasi marrin vendimin përfundimtar për vetingun.

Ambasadorja nënvizon se pavarësisht presionit “ata kanë zbatuar elementët e rëndësishëm në reformën e drejtësisë”.

Në qershor të vitit të ardhshëm skadon mandati i Komisionit të Pavarur të Kualifikimit dhe Komisionerit Publik, dy nga organet e vetingut në drejtësi.

Ministri i ri i Drejtësisë, Ulsi Manaj ka kërkuar në Parlament konsensusin e opozitës për të ndryshuar Kushtetutën për zgjatjen e mandatit.

Deri tani vetingun e kanë kaluar vetëm rreth 50% e 800 prokurorëve dhe gjyqtarëve të sistemit të drejtësisë.

Një ditë më parë, ambasadorja amerikane pati takim me prokurorët e SPAK ku ka vlerësuar punën e tyre. Yuri Kim tha se SPAK ka arritur të provojë në gjykatë akuzat në 90% të rasteve duke konfiskuar 80 milionë euro asete dhe dënuar mbi 250 persona prej themelimit në dhjetor 2019.

LEXONI GJITHASHTU:

• ‘Zgjasim afatin e vetingut’, Manja kërkon konsensusin e opozitës për ndërhyrjen në Kushtetutë
• Ambasadorja Kim takon 15 prokurorët e SPAK: Ndiqni ata që dëmtojnë shqiptarët dhe pasurojnë veten