‘Deputetët të vaksinuar’, Balla: Do propozojmë që mbledhjet në komisione të mos zhvillohen online, reagon PD

Kryetari i Grupit Parlamentar të PS-së, Taulant Balla ka deklaruar se do i propozojnë Konferencës së Kryetarëve që mbledhjet në komisione të zhvillohen në mënyrë tradicionale dhe jo online.

“Duke filluar nga java tjetër ne do i propozojmë Konferencës së Kryetarëve që mbledhjet të zhvillohen natyrisht duke respektuar distancat dhe çdo deputet duhet të deklarojë certifikatën”, tha Balla, teksa nënvizoi se kushti i vetëm është që deputetët duhet të jenë të vaksinuar për të marrë pjesë në mbledhjet e komisioneve.

“Prej javës tjetër do të kemi mundësi që të gjithë deputetët e PS-së të jenë të vaksinuar. Shpresoj që edhe PD, sikur e shprehu gatishmërinë në sallën e kuvendit, pasi për këtë çështje ka pasur dakordësi”, u shpreh ai.

Lidhur me këtë kthesë të mazhorancës reagoi PD përmes kreut të grupit parlamentar, Alfred Rushaj.

“Më vjen mirë që pati një kthesë në ligjshmëri dhe reflektim për të zbatuar ligjin dhe rregulloren nga drejtuesit e Partisë Socialiste”, tha Rushaj, teksa theksoi se deputetët e PD nuk kanë qenë asnjëherë kundër vaksinimit.

Ky vendim është kundërshtuar nga deputetët demokratë, të cilët janë paraqitur fizikisht në mbledhjet e komisioneve.

LEXONI GJITHASHTU:

• Opozita këmbëngul tek pjesëmarrja fizike në komisione, akuza mazhorancës për shkelje të rregullores
• Debate tek Komisioni i Ligjeve, deputetëve demokratë nuk u jepet fjala pasi u paraqitën fizikisht