PD thërret në Kuvend autoritetin e konkurrencës për çmimin e bukës

Komisioni i Ekonomisë ishte i pari që mundi të funksiononte normalisht, me praninë fizike të deputetëve të opozitës në sallë. Megjithatë, debatet nuk munguan, pasi në rendin e ditës ishte miratimi i marrëveshjes së shtetit shqiptar me kompaninë Pfizer për vaksinat anti-COVID.

Deputetët e PD e kundërshtuan këtë marrëveshje dhe kërkuan më tepër kohë për t’u njohur me kontratën e lidhur me Pfizer.

Ndërkohë, deputetet e Partisë Demokratike në Komisionin e Ekonomisë depozituan thirrjen në seancë dëgjimore të Autoritetit te Konkurrencës për rritjen e çmimit të bukës.

Nënkryetarja e këtij Komisioni, Sorina Koti u shpreh se ky organ qeveritar duhet të japë llogari për këtë çështje që rëndon në xhepat e qytetarëve. 

LEXONI GJITHASHTU:

• Emrat e anëtarëve që propozon PD për në Komisionin Hetimor për 25 prillin