Shpëtohen 3 turistë hungarezë në Maliq, tentuan të kalonin lumin me makinë

3 turistë hungarezë që kishin mbetur të bllokuar në lumin Devoll në afërsi të fshatit Plovisht janë shpëtuar nga zjarrfikësit e Maliqit.

Turistët tentuan të kalonin me makinë lumin, por për shkak të thellësisë dhe rrymave të mëdha të ujit, ata u bllokuan.

Makina me turistë u mor nga rryma përreth 15 metra, por fatmirësisht nuk u lëndua asnjë prej tyre.

Ishin banorët e zonës ata që lajmëruan policinë, ku bashkë me ta shkuan në vendngjarje dhe zjarrfikësit, të cilët me kavo bënë të mundur sigurimin e makinës që të mos e merrte rryma e lumit.

Në total ishin 4 makina me rreth 10 turistë hungarezë që po eksploronin zonën, por vetëm  një makinë u fut në ujë.