4 turistë rusë gjenden të pajetë në saunën e një hoteli në Qerret

Katër turistë rusë, dy burra dhe 2 gra janë gjetur të pajetë brenda një saune në një hotel në zonën e Qerretit, Kavajë.

Sipas burimeve, bëhet fjalë për një grup turistësh të cilët prej disa ditësh janë strehuar në një hotel në Qerret.

4 viktimat janë shkëputur nga grupi dhe pjesa tjetër i kanë kërkuar nëpër hotel, por i kanë gjetur brenda në sauna të asfiksuar.

 

View this post on Instagram

 

A post shared by Euronews Albania (@euronews_albania)

Sipas dyshimeve paraprake, mendohet se kanë qëndruar më tepër se ç’duhet brenda saunës.

Përmes një njoftimi zyrtar policia lokale bëri me dije se ngjarja është shënuar rreth orës 22:20 të së premtes në ambientet e saunës së një hoteli në Qerret të Kavajës, ku dyshohet se janë asfiksuar dhe për pasojë kanë ndërruar jetë shtetasit rusë, K. S, 31 vjeçe; N. L, 58 vjeç; N. A, 37 vjeçe dhe S. A, 40 vjeç.

Policia thotë se po punohet për sqarimin e plotë të rrethanave të ngjarjes.