Humb jetën nga COVID-19 gazetari Artjan Tepelena

Gazetari Artjan Tepelena humbi jetën nga COVID-19 në moshën 58-vjeçare.

Lajmi u bë me dije të shtunën në mëngjes dhe menjëherë mori vëmendjen e kolegëve të tij që shprehën pikëllimin për ndarjen e parakohshme nga jeta.

Në faqen zyrtare në Facebook ka reaguar dhe presidenti i vendit Ilir Meta i cili përshkroi Tepelenën si një shembull të mirë për brezat e rinj të gazetarëve.

Ndërsa shprehu ngushëllimet për familjarët, Meta solli në vëmendje kontributin e pazëvendësueshëm në media të gazetarit.

“Me kontributin e tij të gjatë dhe të pazëvendësueshëm në media, Artjan Tepelena do të kujtohet si lektori dhe shembulli i duhur i brezave të rinj të gazetarëve shqiptarë, në mbrojtje të fjalës së lirë dhe kundër konformizmit në profesion,” – shkroi presidenti.

Artjan Tepelena ishte gazetar dhe drejtor programacioni në disa televizione.

LEXONI GJITHASHTU:

• Humb jetën nga Covid mjeku anestezist, Mihal Kërçi
• Mjeku i njohur Adhon Polena humb jetën nga COVID-19
• Humb jetën nga COVID-19 mjeku i Kombëtares