‘Dashuria është në kosh’, vepra e grisur e Banksy shitet për 21.8 milionë euro

Një vepër arti e artistit të rrugëve Banksy shitet në ankand për shifrën rekord 21.8 milionë euro.

Copëzat e veprës “Vajza me tullumbace” që ngelën pasi piktura u shkatërrua në një grirëse të fshehur brenda kornizës u shitën për 1 milion £ në vitin 2018.

Piktura kaloi pjesërisht përmes grirëses duke lënë pjesën tjetër të pikturës të paprekur e pikërisht ajo çka mbeti u shit për shifrën rekord.

“Dashuria është në kosh” u quajt copëza e mbetur që u shndërruan në veprën më të kushtueshme të artistit. Për 10 minuta 9 ofrues në shtëpinë e ankandit Sotheby në Londër luftuan mes tyre për të bërë blerjen.

“Zonja dhe zotërinj, për një rekord të ri vepra e Banksy, ‘Love is in the bin’ shitet për 16 milionë £,” – deklaroi Oliver Barker nga shtëpia e ankandit Sotheby.

Vepra, kishte një çmim fillestar prej 4-6 milion £ por duket se kaloi çdo lloj pritshmërie

Artisti britanik filloi të shfaqë veprat e tij në rrugët e Bristol në Anglinë jugperëndimore në vitet 1980. Puna e tij tanimë shfaqet jo vetëm në Britani por në të gjithë botën.

Në mars, një pikturë murale e Banksy që nderonte punonjësit shëndetësorë të Britanisë, e pikturuar për herë të parë në murin e spitalit, u shit për 19.8 milion €.

LEXONI GJITHASHTU: 

• Krijimi i Banksy në Bristol, një grua e moshuar që teshtin
• Piktura rekord e Banksy, vepra kushtuar infermieres shitet në ankand për 16.7 milionë paund
• Vepra ku gërshetohet krijimtaria e Banksy dhe Monet shitet për 7.5 milionë paundë