Zv.rektori i Universitetit të Korçës: Studentët e pavaksinuar do të futen në auditorë

Zv.rektori i universitetit “Fan Noli” në Korçë, Artur Adilit deklaroi për mediat se edhe studentët e pavaksinuar do të futen në auditorë.

Artur Adilit theksoi se të gjithë studentët do të udhëzohen më pas drejt vaksinimit.

Pyetjes nëse është duke shkelur urdhrin e Ministrisë së Shëndetësisë, ai thotë se ne nuk mund të privojmë studentët nga mësimi, por do t’i udhëzojmë për tu vaksinuar, pra po respektojmë autonominë e universitetit.

Brenda kësaj jave në Korçë janë vaksinuar vetëm 37 studentë, ndërkohë nuk ka asnjë statistikë se sa është numri total i studentëve të vaksinuar.

Ministria e Shëndetësisë ka dhënë urdhër se studentët nuk do të pranohen brenda ambienteve universitare në rast se nuk paraqesin kartën e vaksinimit, testin negative ose një vërtetim nga mjeku për problematikën shëndetësore që nuk kryhet vaksina.

LEXONI GJITHASHTU:

• Studentët rikthehen në auditor, kusht vaksinimi ose testi negativ