“Dhoma e të qarave” në Spanjë, projekti që synon të thyejë tabutë e lidhura me shëndetin mendor

“Hyni dhe Qani” shkruan një tabelë në “La Loreria” ose “Dhoma e të Qarave” e pozicionuar në një ndërtesë në qendër të Madridit, Spanjë.

“Edhe unë kam ankth”, shkruhet në një njoftim tjetër me ngjyrë rozë.

“Ne jemi një platformë dixhitale e psikologjisë online, ne ndihmojmë personat që kërkojnë ndihmë psikologjike duke i vënë në kontakt me psikologët profesionistë të zgjedhur nga ekipi ynë”, – thotë Alessandro de Sario, CEO i bisedës së terapisë.

Çdokush mund të marrë pjesë në këtë projekt, që synon të thyejë tabutë e lidhura me shëndetin mendor.

Organizuesit e projektit thonë se kanë vënë në dispozicion numra telefoni ku personat të cilët kërkojnë ndihmë psikologjike mund të kontaktojnë në rast se ndihen të mërzitur.

Një javë më parë kryeministri spanjoll Pedro Sanchez njoftoi dhënien e një ndihme prej 100 milionë eurosh, që do të përfshijë shërbime si për shembull një linjë ndihme 24-orëshe për vetëvrasje.

Në vitin 2019, 3.671 njerëz vdiqën nga vetëvrasja në Spanjë, shkaku i dytë më i zakonshëm i vdekjes pas shkaqeve natyrore.

Të dhënat e qeverisë tregojnë se 1 në 10 adoleshentë është diagnostikuar me një gjendje të shëndetit mendor, ndërsa 5.8% e popullsisë së përgjithshme vuan nga ankthi.