Llalla apelon dënimin me 2 vite burg nga arratia

Ish-kryeprokurori Adriatik Llalla, vijon betejën me drejtësinë për t’i shpëtuar burgut.

Nëpërmjet avokatit të tij mbrojtës Llalla ka apeluar këtë të hënë vendimin e shkallës së parë për pezullimin e dënimit me 2 vite burg. Pezullimi i vendimit kërkohet, pasi sipas mbrojtjes mbyllja e tij në qeli do i sillte pasoja të rënda për shëndetin.

Tashmë do jetë apeli i GJKKO-së, ku pas caktimit të një date do vendosë nëse do lërë në fuqi vendimin e Shkallës së Parë, që rrëzoi kërkesën e Llallës, apo do pranojë kërkesën e tij për pezullim dënimi.

10 ditë më parë ish-kryeprokurori, u shpall në kërkim ndërkombëtar. SPAK mbylli procedurat dhe dërgoi emrin e tij, në zyrën e Interpolit menjëherë pasi policia dorëzoi raportin për mosgjetjen e tij në banesë apo vende te tjera ku mendohej se ishte.

Adriatik Llalla është shpallur fajtor për mosdeklarim dhe fshehje pasurie në 3 episode. Ai akuzohet se nuk ka deklaruar një shumë prej rreth $7400 shpenzuar për lindjen e djalit të tij, shpenzimet për ndërtimin e katit të tretë të banesës si dhe shpenzimet për shkollimin e vajzës së tij në Gjermani.

LEXONI GJITHASHTU: 

• Adriatik Llalla në kërkim ndërkombëtar, SPAK mbyll procedurat
• GJKKO rrëzon kërkesën e ish-kryeprokurorit Adriatik Llalla për pezullimin e dënimit me burg
• Ku është Adriatik Llalla? Ish-kryeprokurori pritet të shpallet në kërkim ndërkombëtar