Fundi i rrugëtimit të Amal, kukulla gjigante vizitoi 7 shtete evropiane

Pas të paktën 3 muajsh vogëlushja Amal mbyll udhëtimin e saj në Evropë.

Kukulla gjigante 3.5 metra e lartë ka përshkruar 4970 milje në të gjithë Europën për të arritur në destinacionin e fundit Mancester të Britanisë së Madhe, ku do të qëndrojë deri në fillim të muajit nëntor.

Amal argëtoi shumë fëmijë e njerëz në vendet ku ndaloi në Romë, Francë, Gjermani por duke çuar një mesazh të fortë, të ndihmohen fëmijët refugjatë.

Amal ndaloi në plot shtatë shtete evropiane, por ajo edhe u argëtua nga mikëpritja që ju ofrua.

Gjatë udhëtimit vogëlushja që simbolizon një vajzë siriane 9-vjeçare ishte në kërkim të nënës së saj.

“Ajo përfaqëson të gjithë fëmijët që kanë qenë të detyruar të braktisin shtëpitë e tyre, disa janë larguar me familje, të tjerë kanë ikur vetëm në kërkim të një jete më të mirë në një tjetër shtet, në kërkim të sigurisë, në kërkim për një të ardhme më të mirë”, u shpreh Sarah Loader, menaxhere e projektit.

Amal e nisi rrugëtimin në 27 korrik nga Gaziantep në Turqi, një zonë në kufi me Sirinë.

LEXONI GJITHASHTU:

• Gjermani, çmimet e parkimit në varësi të madhësisë së makinës
• Berlini mund të krijojë zonën më të madhe urbane në botë pa makina