Bujar Osmani hedh poshtë zërat për zgjedhje të parakohshme: LSDM do mbështesë BDI

Javën e ardhshme në Maqedoni të Veriut zhvillohet raundi i dytë i zgjedhjeve vendore.

Një nga garat më të rëndësishme mes kandidateve shqiptarë do të jete ajo për Tetovën mes Teuta Arifit të Bashkimit Demokratik për Integrim dhe Bilall Kasamit të Besës.

Kjo garë mes tyre vë në një pozitë të vështirë edhe LSDM e Zoran Zaev se cilin nga partnerët e koalicionit do të mbështesë.

Zëdhënësi i fushatës së BDI, njëherësh ministër i Jashtëm i Maqedonisë së Veriut, Bujar Osmani tha në “Balkan Talks” se presin mbështetje për kandidatin e tyre.

“Sa i takon mbështetjes ndërpartiake në kërkojmë mbështetjen e partnerit tonë të koalicionit LSDM. Vlerësimi do të jetë i tyre, por ne presim mbështetjen prej tyre”, u shpreh ai.

Osmani hodhi poshtë zërat për zgjedhje të parakohshme, ndërsa paralajmëroi zgjerim të koalicionit qeveritar.

Teuta Arifi dhe Bilall Kasami përballen në raundin e dytë të zgjedhjeve në Tetovë duke përsëritur të njëjtën garë mes tyre të zhvilluar edhe në 2017.

LEXONI GJITHASHTU:

• Vjosa Osmani nuk pajtohet me konstatimet e KE për vettingun
• Kosova, pak përmirësim në shumë fusha, sipas progres-raportit