Pfizer paraqet efikasitet të lartë të dozes së tretë

22 Tetor 2021 | 10:24

Të dhënat nga provat klinike të Fazës së 3 të Pfizer ka paraqitur se doza e tretë e vaksinës është 95,6% efektive, përfshirë edhe variantin Delta.

Kreu i BioNTech, Ugur Sahin, tha se këta “elementë të rëndësishëm” vërtetojnë se 1 dozë përforcuese është efektive ndaj virusit.

“Bazuar në këto gjetje, dozat përforcuese mund të luajnë një rol të rëndësishëm në rikthimin në normalitet.” –  tha Ugur Sahin.

Në studim morën pjesë 10.000 persona, të cilët ishin vaksinuar me të 2 dozat e vaksinës Pfizer. Intervali midis dozave të dyta dhe të treta ishte afërsisht 11 muaj.

Mosha mesatare e pjesëmarrësve ishte 53 vjeç, me pak se gjysma që i përkisnin grupmoshës 16-55 vjeç. Më shumë se 1 e 5-ta ishin +65 vjeç, një kategori në rrezik më të madh nga Covid-19.

Efikasiteti ishte “i njëjtë” pavarësisht nga gjinia, mosha, raca, kombësia ose faktorë të tjerë.

Nga ana tjetër, Suedia ka zgjatur pezullimin që i është vendosur vaksinës së Moderna-s për koroavirusin tek personat nën 30 vjeç. Kjo për shkak të disa efekteve anësore të rralla që lidhen me zemrën.

Për sa I përket vaksinës ruse, Agjencia Evropiane e Barnave, EMA, ka shtyrë vendimin për miratimin e saj.

Agjencia ka njoftuar se do të marrë vendimin për miratimin e vaksinës ruse Sputnik V, në tre mujorin e parë të vitit 2022, pasi sipas kompanisë të dhënat e deritanishme janë të pamjaftueshme.

Home Kryefaqja
Shiko në: YouTube
Lajme të Sugjeruara

Tatuazhet që reflektojnë nivelin e glukozës dhe rrahjeve të zemrës në organizëm

Monitorimi i rrahjeve të zemrës apo i nivelit të glukozës shumë shprejt do të kryhet përmes bojës së tatuazheve. Kërkuesit në Korenë e Jugut po...
15:40 | 05/08/2022

UEFA i beson teknologjinë gjysmë-automatike finales së Realit me Eintracht Frankfurt

Teknologjia gjysmë-automatike e pozicionit jashtë loje, do të jetë një risi e cila pritet të implemetohet në superkupën e UEFA-s mes Real Madrid dhe Eintracht...
14:19 | 05/08/2022

Fustani i Charlotte që boshatisi magazinën brenda 24 orëve

Imazhi i një princëshë të vogël. Nëse dikush do të dojë sot të blejë për vajzën fustanin blu me bija të bardha dhe jakë bebe...
16:29 | 04/08/2022