Sarajet e Toptanëve kalojnë në pronësi të Bashkisë Tiranë

Ndërtesa e Sarajeve të Toptanëve ka kaluar në pronësi të Bashkisë Tiranë si muze i qytetit.

Vendimi është marrë nga Këshilli i Ministrave, në të cilin sqarohet se pronarët e ndërtesës do të dëmshpërblehen me një shumë prej 252 314 551 lekësh që do të përballohet nga buxheti i Bashkisë Tiranë.

Për këtë vendim ka reaguar edhe kryebashkiaku Erion Veliaj, i cili shkruan në rrjetet sociale: “Me vendim të qeverisë shqiptare, nga sot, ndërtesa e Sarajeve është pronë e Bashkisë së Tiranës si muze i qytetit qe do evokojë traditën, si dhe historinë diplomatike”.

“Sarajet” u ndërtuan nga Selim Pashë Toptani në vitet 1833-1840. Kjo godinë njihet më së shumti si shtëpia e Servet Bej Libohovës, dhëndrit të Selim Pashës.

Godina ruajnë një arkitekturë otomane dhe janë shpallur monument kulture në vitin 1963 për faktin se përfaqësojnë një pjesë të historisë së vjetër të qytetit.

Pak muaj më parë, kësaj godine iu vu qëllimisht zjarri dhe aktualisht ruhet nga forcat policore.

LEXONI GJITHASHTU:

• Zjarri te ‘Sarajet e Toptanëve’, Veliaj: Shpronësim i përshpejtuar, s’do ketë ndërtim
• Zjarr në ‘Sarajet e Toptanasve’ në qendër të Tiranës