12 miliardë lekë për rrugët në buxhetin 2022

Buxheti i vitit 2022 parashikon 12 miliardë lekë për ndërtim dhe sistemim rrugësh.

Projekti më i kushtueshëm në buxhet është tuneli i Llogarasë, i cili lidh Orikumin me Himarën. Ai kushton 4.6 miliardë lekë.

Në total tuneli i Llogarasë do të kushtojë afro 19.4 miliardë lekë që do të paguhen nga buxheti i shtetit në katër vite njëri pas tjetrit.

Në buxhet janë parashikuar dhe 1.7 miliardë lekë që do të shkojnë për pjesën e pandërtuar të Unazës së Madhe të Tiranës.

Projekte të tjera që do të financohen nga buxheti i rrugëve janë:

• Bypass i Shkodrës
• Bypass i Tepelenës
• Rruga-Kardhiq-Delvinë
• Vazhdimi i rrugës Korçë-Ersekë

Në buxhetin e shtetit do të financohen edhe koncesionet:

• Rruga e Arbrit
• Rruga Milot-Morinë
• Rruga Orikum-Dukat
• Rruga Milot-Balldre

Pjesa më e madhe e tyre pritet të përfundojnë në vitin 2024.

LEXONI GJITHASHTU: 

• Rritet fatura e koncesioneve; 13.8 mld lekë për Rrugën e Arbrit, skanimin e kontratat në shëndetësi
• 7 koncesione të reja në 2022, 1.5 mld euro vetëm për rrugën Milot-Fier
• Vështirësi kalimi në ‘Rrugën e Kombit’ pas rrëshqitjes së dheut