Maskime dhe muzikë e frikshme, Tirana bëhet gati për natën e Halloween

Halloween po vjen. Në rrugët e kryeqytetit ndihet atmosfera e kësaj feste. Rrjeta, merimanga, muzike e frikshme, lakuriq nate, çdo gjë që mund të identifikojë Halloween, është vendosur kudo.

Lokalet janë bërë gati për natën më të frikshme të vitit, gjë që e dëshmojnë vetë menaxherët.

“Gjatë këtyre dy viteve të fundit, ka pasur masivisht kërkesa për festën e halloween. Këtë vit dekori ka shkuar 1 milion lekë të vjetra, gjithmonë mundohemi të shtojmë gjera të reja”, u Gerti Karapici, një menaxher lokali.

Edhe pastiçeritë janë përfshirë në këtë festë. Biskota dhe torta nga më të frikshmet, janë disa nga kërkesat e klientëve.

Maskimin për këtë festë, të rinjtë e kanë çuar më tej. Tashmë përdorin jo vetëm maska, por dhe transformime nga profesionistë.

Çdo vit ka një rritje të numrit të të rinjve që vijnë dhe kërkojnë maskime nga personazhet më in të momentit si joker, një make up shkon nga një i thjeshtë 30 mijë lekë deri tek ato që kapin shifrën e 150-200 mijë lekë”, u shpreh Sabina Tosku, Make-up artist.

Ndonëse një festë amerikane, Halloween po festohet çdo vit e më shumë në vendin tonë. Euronews Albania ju bashkua kësaj feste. Në garë kush ka maskimin më të frikshëm.