Zv. ministri i Financave tregon masat e qeverisë për ata që humbën punën nga COVID

Qeveria ka aplikuar disa programe për t’u ardhur në ndihmë personave që kanë humbur punën për shkak të pandemisë së COVID-19, sipas zv. ministrit të Financave, Besart Kadia.

Besart Kadia përmendi si të tillë subvencionimin e pagës nga 4,8 deri në 12 muaj për ata që janë papunë. Gjithashtu, ai tha se ka pasur programe trajnimi për punësim, si edhe intershipe 4,8 dhe 12 mujore në profesione të ndryshme.

Z. Kadia përmendi se 491 studentë janë regjistruar për intership në 85 biznese të ndryshme, ku disa prej tyre u punësuan, duke u integruar sërish në tregun e punës.

“Këta programe janë jo vetëm për të rinjtë, por për të gjithë”, shtoi zv. ministri.