Lavdrim Krrashi bën premtimin: Ja kur përfundon rruga e Arbrit

Deputeti i PS-së Lavdrim Krrashi, ka premtuar se Rruga e  Arbrit do të përfundojë në shtator të këtij viti.

I ftuar në emisionin “RinVote” në Euroneës Albania, i nënvizoi se punimet janë vonuar për shkak të problemeve të paparashikueshme që kanë hasur gjatë rrugës.

Krrashi tha se tuneli i Murrizit do të hapet vitin tjetër.

‘Rruga e Arbrit do të përfundojë në shtator të vitit 2023 . Jemi në të njëjtat kuota por duhet të jemi të durueshëm. Edhe deklarimet  e Ministrisë së Infrastrukturës kanë qenë se ka pasur vështirësi në punimin e  rrugës për shkak të problemeve të paparashikuara që janë hasur në tunelin e Murrizit. Njëri nga tunelet është shpuar komplet ndërkohë që po punohet me pjesën tjetër. Rruga e Arbrit do të hapet këtë vit ndërkohë tuneli i Murrizit do të hapet vitin tjetër”- tha ai.

LEXONI GJITHASHTU: 

• “Ka qenë dita më e errët e jetës sime” – gazetarët e Euronews për tërmetin në Turqi
• “Ramës po i ndodh e njëjta si Nano në 2005”, Burimi bën lidhjen mes tyre