Protestë për helmimin nga uji, sot në 14:00 qytetarët para Bashkisë Krujë

Ditën e sotme është njoftuar për një protestë në Krujë, përballë Bashkisë mbi helmimin e rreth 600 qytetarëve nga uji i pijshëm.

“Kruja e helmuar proteston” shkruhet në posterin e shpërndarë për protestën që do të zhvillohet ditën e sotme në orën 14:00.

Në poster thirrja shkon për të gjithë qytetarët që të bëhen pjesë e tyre.

“Eja dhe ti në Krujë. Merr ujë me vete. Dita e shtunë në orën 14:00. Më shumë se kurrë kemi nevojë për të gjithë motrat dhe vëllezërit shqiptar të na bëhen krah,” – shkruhet në poster.

Qytetarët në Krujë ende nuk kanë ujë të pijshëm për të konsumuar.

Prej 1 jave më shumë se 600 qytetarë janë helmuar nga uji i pijshëm.

LEXONI GJITHASHTU: 

• Opozita kërkon dorëheqjen e kryebashkiakut pas helmimeve në Krujë
• Shkon në 600 numri i personave të helmuar në Krujë
• Helmimi i 600 personave në Krujë, ISHP: Epidemi hidrike, ujësjellësi nuk veproi në kohë