Komisioni për Reformën Zgjedhore, Balla: Javën e ardhshme do të prezantojmë përbërjen

Të hënën do të ngrihet Komisioni i Posaçëm për Reformën Zgjedhore. Lajmi u bë me dije nga kryetari i grupit parlamentar socialist Taulant Balla i cili deklaroi nga Patosi se PD duhet të sjellë propozimet për emrat e anëtarëve të Komisionit.

“Kuvendi i Shqipërisë është vendi i dialogut politik. Dëshiroj dhe dua të shpreh gatishmërinë e PS dhe grupit të saj parlamentar, se disponibiliteti ynë për dialog dhe gatishmëria jonë për të bashkëpunuar për çështje që lidhen jo vetëm me punën parlamentare por me reforma të duhen çuar para, është i pakursyer,” – tha Balla.

Sipas tij Partia Demokratike do të jetë gati brenda ditës së martë për të diskutuar që Komisioni i Posaçëm i Reformës Zgjedhore të ngrihet sa më shpejtë.

Balla theksoi se miqtë ndërkombëtar bëjnë thirrje që këto ndryshime të miratohen deri në fund të këtij sesioni parlamentar.

LEXONI GJITHASHTU: 

• Taulant Balla: PS-ja ka fituar 9 mandate në Elbasan
• Taulant Balla: Puna jonë me Metën mbaroi sot, tashmë në dorë e ka Gjykata Kushtetuese
• “Taulant Balla dhe Monika Krymadhi në garë për mandat”, Dimitri Mavros: Mund të kemi probleme të brendshme