Nis punimet Samiti i G20-s, Draghi: Multilateralizmi, zgjidhja e vetme ndaj sfidave të sotme

Ka nisur punimet në Romë samiti mes liderëve të vendeve anëtare të grupimit G20. Kryeministri i Italisë, Mario Draghi, në fjalën e tij deklaroi se bashkëpunimi është përgjigja e duhur për të zgjidhur problemet me të cilat përballet bota sot.

“Edhe më parë jemi përballur me proteksionizmin dhe nacionalizmin. Por sa më shumë që ndeshemi me sfidat tona, aq më shumë e kuptojmë se marrëdhëniet ndërshtetërore janë zgjidhja më e mirë”, deklaroi Draghi.

Kreu i qeverisë italiane nënvizoi se me sfidat që variojnë nga pandemia dhe klima, deri te taksimi i ndershëm nuk mund të përballesh i vetëm.

“Ndaj, ne duhet të rindezim shpirtin që çoi në krijimin e këtij grupi”, shtoi Draghi.