Balotazhet dhe fituesit në zgjedhjet e 17 tetorit në RMV, kryeson VMRO-DPMNE

Në raundin e parë të zgjedhjeve lokale në Maqedoninë e Veriut, numrin më të madh të komunave që shpallën direkt kryetarin, e ka fituar VMRO DPMNE-ja opozitare, partia e ish-kryeministrit Nikolla Gruevski që aktualisht drejtohet nga Hristijan Mickoski.

Kjo parti tregoi një rikthim të fuqishëm në shumë komuna të mëdha që ia kishte marrë LSDM-ja në zgjedhjet e vitit 2017.

Komunat e fituara në raundin e parë nga VMRO DPMNE:

1. Aerodrom
2. Butel
3. Gjorçe Petrov
4. Gazi Babë
5. Kisella Vodë
6. Novaci
7. Shtip
8. Gradsko
9. Bosillovë
10. Veles
11. Vinicë
12. Zërnovcë
13. Ilinden
14. Jegunovcë
15. Kavadar
16. Karbncë
17. Mogillë
18. Negotinë
19. Petrovec
20. Prilep
21. Sopishte
22. Sveti Nikole

Ndërsa partia në pushtet, Lidhja Social Demokrate e Maqedonisë, ka fituar vetëm 9 komuna më të vogla në raundin e parë të zgjedhjeve, përfshirë këtu dhe Strumicën, që është qyteti i kryeministrit Zoran Zaev.

Komunat e fituara nga LSDM:

1. Berovë
2. Bogdancë
3. Vallandovë
4. Dellçevë
5. Dojran
6. Kriva Pallankë
7. Krivogashtan
8. Krushevë
9. Strumicë

Ndër partitë shqiptare, sukses në raundin e parë, ka pasur vetëm Bashkimi Demokratik për Integrim, i cili shpalli fitore në komunat e vogla të Likovës, Pllasnicës dhe Sarajit.

Komunat e fituara nga BDI:

1. Saraj
2. Likovë
3. Pllasnicë

Opozita shqiptare Aleanca për Shqiptarët dhe Alternativa udhëheqin në disa komuna, por për më pak se 1% nuk arritën ta mbyllin garën në raundin e parë në Gostivar dhe Dibër.

Sipas të dhënave të KSHZ-së, kandidati i opozitës në Gostivar Arben Taravari ka fituar 49.70% të votave dhe nuk ka arritur të fitojë në rreth të parë për vetëm 76 vota. Opozita shqiptare shkon në balotazh me BDI-në edhe në disa komuna tjera urbane, si Struga, Çairi dhe ajo rurale si Vrapçishti.

Komuna shqiptare në balotazh pozitë-opozitë:

• Gostivar – BDI–AA ASH
• Strugë – BDI–AA ASH
• Çair – BDI–AA ASH

Ndërkohë pritet që kandidatët shqiptarë të jenë në duele direkte përballë njëri- tjetrit në Haraçinë dhe Bërvenicë.

LEXONI GJITHASHTU:

• 10 gra në garë në raundin e dytë të zgjedhjeve lokale në RMV
• Sot raundi i dytë i zgjedhjeve lokale në mbi 50% të komunave në RMV