Akuza e Dumës: Fondet e fatkeqësisë u përdorën për të blerë vota

Duke folur për krimet elektorale, nënkryetarja e PD-së Grida Duma tha se partia e saj është në betejë për ndëshkueshmërinë për personat që kanë firmosur “lekë tërmetesh”.

Në emisionin “Now” me Erla Mëhillin, zonja Duma akuzoi qeverinë që ka keqpërdorur fondet e tërmetit për të blerë votat.

“Brenda periudhës zgjedhore bashkia e Durrësit arriti një shifër marramendëse të alokimit të fondeve për tërmetin dhe i mban ata njerëz. Për fatkeqësi të fatkeqësisë ata përdorën paratë e tërmetit, paratë e pandemisë, si element që ngeli edhe i votave”.

Ajo tha se Partia Demokratike do të vazhdojë të bëjë presion që vota mos të “tenderohet me lekë”.

“Ne do të vazhdojmë të ushtrojmë trysni dhe një presion të madh politik që këta njerëz mos të guxojnë më dhe të jenë shembull për ca të tjerë që mos të guxojnë më as në administratë publike dhe as në rrugët e krimit që të tenderojnë votën me lekë”, tha ajo.

• Grida Duma: Pezullimi i Berishës nga grupi i PD ishte ekstra statutor
• Zgjatja e vetingut? Duma: Prioritetet tona i përcaktojmë ne, jo PS
• Grida Duma: PD gati të hyjë në zgjedhjet vendore