Ambasadorja Kim takim me Gledis Nanon: Do ju mbështesim me gjithçka

Ambasadorja Yuri Kim deklaroi se SHBA do të mbështesë Policinë e Shtetit me gjithçka të mundshme.

Ajo përmendi pajisjet, trajnimet dhe çdo ndihmë që do i volitej efektivëve.

Ambasadorja Kim theksoi se bashkë me Nanon ishin mbështetës të fortë të figurës së policëve dhe gjatë takimit kishin diskutuar se duhet rritur integriteti i tyre për të ruajtur besimin e publikut.

Kim e përfundoi fjalën e saj duke theksuar se SHBA vijon të sigurohet se ligji në Shqipëri të mbetet i paprekur nga çdo ndikim i jashtëm.

Ndërkohë kreu i Policisë së Shtetit Gledis Nano sqaroi se takimi u zhvillua në kuadër të bashkëpunimit të Policisë së Shtetit me të gjitha agjencitë ligjzbatuese të SHBA-së.

“Siç dihet Shtetet e Bashkuara janë partneri ynë strategjik dhe kanë mbështetjen kryesore të Policisë së Shtetit për trajnimet, konsistencën, logjistikën, konsulencën, kështu që e vlerësoj shumë këtë bashkëpunim dhe këtë mbështetje dhe I sigurova zonjës ambasadore se Policia e Shtetit do të jetë në nivelet më të larta të performancës për të luftuar krimin e organizuar dhe korrupsionin,” – tha ai.

LEXONI GJITHASHTU: 

• Gledis Nano merr zyrtarisht detyrën me premtimin për reformim të mëtejshëm të Policisë së Shtetit
• Sërish lëvizje në polici, Gledis Nano ndryshon zëvendësdrejtorët në Elbasan, Durrës e Vlorë
• Kim takim me Ballën dhe Rushajn: Palët të trajtojnë njëra-tjetrën me respekt