Pandemia COVID-19 bashkon Ballkanin, ministri i Kosovës flet me homologët e vendeve fqinje

Në kuadër të përshkallëzimit të situatës së coronavirusit, Ministri i Shëndetësisë së Kosovës, Arben Vitia ka zhvilluar një bisedë telefonike me gjithë homologët e tij në vendet fqinje. Ministrat diskutuan për ndihmat e mundshme që mund t’i ofrojnë njëri-tjetrit në situatën e përbashkët të pandemisë.

Ministrja e Shqipërisë, Ogerta Manastirliu, Ministri i Malit të Zikenan Hrapović, ai i Serbisë, Zlatibor Lonçar dhe ai i Maqedonisë së Veriut, Venko Filipçe vlerësuan se gjendja duhet trajtuar me përgjegjësi maksimale dhe ndihma duhet të jetë e shpejtë dhe reciproke.

“Pandemia është problem i përbashkët dhe të gjithë shtetet e Ballkanit duhet të lehtësojnë me sa mundet njëri-tjetrin në përvoja dhe ndihma profesionale. Rrugët e qarkullimit për mallrat, personelin shëndetësor dhe pajisje mjekësore duhet të jenë të lira”

Të gjithë ranë dakord dhe premtuan se do të jenë të gatshëm për çdo lehtësim në këtë sipërmarrje të përbashkët kundër COVID-19. Në Ballkan, vendi më i prekur deri më tani është Serbia me 5318 raste, Maqedonia e veriut me 1081 raste, Shqipëria me 518 raste dhe Kosova me 449 raste.