Rusia regjistron përsëri mbi 1,200 vdekje nga COVID-19

Në Rusi për janë regjistruar të premten mbi 1,200 vdekje nga COVID-19, për të katërtën ditë me radhë.

Qendra anti-krizë tha se në 24 orët e fundit ka konfirmuar 1,295 vdekje nga coronavirusi dhe 40,123 raste të reja të të infektuarve.

Spitalet janë mbingarkuar me pacientë, ndërsa urdhrat e qëndrimit në shtëpi janë lëshuar për të moshuarit.

Zyrtarët thonë se shkalla e lartë e infeksionit është pasojë e hezitimit të rusëve për t’u vaksinuar.

Edhe pse Rusia ka disa vaksina të prodhuara vetë, vetëm rreth një e treta e popullsisë së saj është e vaksinuar.

Numri i përgjithshëm i të infektuarve në Rusi që nga shpërthimi i pandemisë është afër 9 milionë, ndërsa i viktimave është mbi 252,000.

LEXONI GJITHASHTU:

• Rusia shënon një tjetër rekord ditor për vdekjet nga COVID
• 1,211 persona të vdekur, Rusia shënon rekord të viktimave nga COVID-19