Sondazhi në Kosovë për Kurtin, 38.7% vlerësojnë punën e tij si të dobët

Organizata Demokracia për Zhvillim zbuloi nga një hulumtim se pëlqyeshmëria e qytetarëve të Kosovës për qeverisjen e Kurtit në 6 muajt e parë nuk arrin as 50%.

Vetëm 32.2 % e të anketuarëve mendojnë se qeverisja e Kurtit është e mirë apo shumë e mirë.

29% nga të pyeturit kanë thënë se janë mjaftueshëm të kënaqur.

Ndërsa 38.7%, 6 muajt e parë të pushtetit të Vetëvendosjes i kanë vlerësuar si të dobëta ose shumë të dobëta.

Një fakt interesant i kësaj ankete është se 52.1% e te punësuarve në sektorin publik kanë pasur vlerësime negative për performancën e qeverisë Kurti.

Ndërsa, 38.1% e të punësuarve në sektorin privat kanë vlerësim pozitiv për të.

Anketa është zhvilluar gjatë muajit shtator të këtij viti në gjithë territorin e Kosovës dhe kanë marrë pjesë 1.063 anketues nga të gjitha komunitetet.