Donald Tusk gjobitet me heqje patente për 3 muaj për tejkalim shpejtësie

Policia polake ka pezulluar përkohësisht patentën e ish-zyrtarit të lartë të Bashkimit Europian Donald Tusk pasi u kap duke i dhënë makinës përtej normave të lejuara të shpejtësisë.

64-vjeçari, sot kreu i partisë kryesore opozitare në Poloni, tha të shtunën në Facebook se gjoba “ishte e drejtë” dhe e pranonte “pa e diskutuar”. Tusk do t’i pezullohet patenta për tre muaj dhe do shtohen 10 pikë, nga 24 që lejohet në total, si dhe gjobë për tejkalim shpejtësie.

Autoritetet thanë se Tusk po i jepte makinës me 100 km/h, ndërkohë që limit ishte 50 km/h.

Qytetarët kanë komentuar në postimin e Tusk në Twitter duke ngritur shqetësimin për shkallën e lartë të fataliteteve në vend për shkak të aksidenteve si pasojë e shpejtësisë së lartë.

LEXONI GJITHASHTU

• Shtohen aksidentet rrugore në Shqipëri, 13.4% më shumë se në vitin 2020
• Ekskluzive/ Euronews Albania siguron pamjet e aksidentit me 2 viktima tek ’21 dhjetori’
• Aksidentet rrugore shkaku i dytë për numrin më të lartë të vdekjeve