Familjarët e 8-vjeçarit të vrarë protestojnë tek paraburgimi i Vlorës

Familjarë të 8-vjeçarit Mateo Vasia i vrarë pak ditë në fshatin Grecalli të Fierit, u mblodhën të dielën para derës së paraburgimit të Vlorës, aty ku mbahet nën masa të larta sigurie, Klodian Çalamëni, personi që i mori jetën brutalisht të miturit.

Të revoltuar, familjarët kanë tentuar të kalojnë kangjellat e burgut, ndërsa kanë këmbëngulur që autori të dënohet me vdekje. Ata kanë kërkuar të dinë nga autori i krimit arsyen pse e kishte vrarë djalin e tyre të mitur.

Tri ditë më parë, teksa Gjykata e Fierit jepte masën e sigurisë për 38-vjeçarin, familjarët e të miturit u futën me forcë brenda ambienteve të gjykatës, duke çarë edhe kordonin e policisë. Mes thirrjes “drejtësi” ata kërkuan të ballafaqohen me Çalamënin, i cili nuk u paraqit në ambientet e gjykatës pikërisht prej gjendjes së agravuar.

LEXONI GJITHASHTU:

• Gjykata lë në burg Klodian Çalamënin, vrasësin e 8-vjeçarit
• Deputetët kërkojnë ashpërsim të legjislacionit për krime si i Fierit