Ish-ministri i Integrimit: Asnjë zbatim i marrëveshjeve Kosovë-Serbi, Kurti të ndryshojë strategjinë

Bekim Çollaku, ish-ministër i Integrimit Europian në Kosovë deklaroi se Albin Kurti duhet të ndryshojë strategji në mënyrë që të fitojë pikë gjatë dialogut Kosovë-Serbi.

Ai solli në vëmendje se asnjë nga marrëveshjet nuk ka gjetur zbatim sepse diskursi i bisedimeve duhet të ndryshojë. Sipas Çollakut nëse qeveria e Kosovës do të merrte përsipër të zbatonte obligimet që ka marrë përsipër, mund të shihnim ndonjë nga marrëveshjet në zbatim.

Vendimi i Gjykatës Kushtetuese të Republikës së Kosovës thotë që asosacioni mund të themelohet por gjithmonë duke e ruajtur frymën kushtetuese të Republikës së Kosovës, theksoi ish-ministri.

Sipas tij refuzimi i qeverisë Kurti për zbatimin e asosacionit më shumë mund të shihet nga perspektiva dhe qasja e tij populiste në raport me elektoratin sesa një kundërshtim në interes shtetëror të Republikës së Kosovës.

“Asosacioni i tillë siç është menduar të themelohet nuk paraqet asgjë tjetër përveçse një organizatë jo-qeveritare e cila do të ketë funksionin e njëjtë siç e ka asosacioni ekzistues i komunave të Republikës së Kosovës,” – u shpreh Çollaku.

Sipas tij nëse qeveria e Kosovës do të merrte përsipër të zbatonte obligimet që ka marrë përsipër, mund të shihnim ndonjë nga marrëveshjet në zbatim.

LEXONI GJITHASHTU:

• Kosova po harton një ligj të ri për mbrojtjen nga dhuna në familje, njoftoi Kurti
• Këshilli i Stabilizim Asociimit, Kurti takim në Bruksel me Varhelyi
• Kurti ‘përplaset’ me Borrell në Bruksel për Asosacionin